Chana hring (green peas) hi a hrisel tih chu kan ring theuh a, taksa chakna ni pawhin kan ring vek ang, chutihruala kan hriat loh chu intihcher tumte tana chaw tha a ni tih hi! Chana hring hian fibre leh antioxidant an pai hnem a, chuvangin intihcher tumte tan ei chi tak a ni.
Mi thenkhatin chana hring hian kua a tipuar duh te an ti thin, mahse, he channa mu te reuhte te hi nutrition atan tha fahran mai a ni tlat, folate, manganese, dietary fibre leh protein a pai hnem a, mahse, rihna paih tumte tan pawh a tha. Tun tumah hian Times of India health section-in intihcher tumte tana chana hring thatna ni a an sawi te kan rawn tarlang e.
1. Fibre a pai hnem avangin mi a tipuar rei a, chuvangin hmawmsawm leh ei neuh neuh kan neih tlem phah thei. Hei bakah hian vegetable fillers anga hman atan pawh a tha, mawm pai tam deuh chi-ah a calorie tihhniam nan a tha.
Chuvangin, noodles leh pasta vel i eichak riau a nih pawhin chana hring hi ti tel la, chu chuan a tipuar rei dawn che a, chuvangin calorie i lakluh tlem phah dawn a ni.
2. Thau a pai lo va, protein a tam thung, hei hi intihcher tumte tena duhthusam a ni. Chana hring chu duh duh dana ei mai tur a ni a, duh leh chhum la, duh leh kanah telh la, duh leh salad-ah te pawh telh rawh. Protein a pai hnem a, chuvangin chaw ei hun hmaa lo hmawmsawm atan pawh a tha hle.
Chana chu a hring tha hle pum tha thlang rawh. A hrisel tha hi a thlum deuh sek thei.
Intih cher nan chana hring
