Cricket hmanga club te inelna ngaihhlut hlawh leh sum tamna ber Indian Premier League 2026 a an match hmasa berah champion lai Royal Challengers Bengaluru chu an khingpui Sunrisers Hyderabad lakah an chak nghal. An match hmasa bera an chak tum RCB tan Virat Kohli a chetha viau a, out lovin run 69 a siam.
Sunrisers Hyderabad hian champion lai RCB lakah an vaw hmasa a, over 20 chhungin run 201 an siam a, mi pakau an out a, an che chhe lem lo. Sunrisers tan hian Ishan Kishan chuan ball 38 a hmachhawn atangin run 80 zet a siam a, a chetha hle. Champion lai lakah chak zo lo mah se Kishan hi he inkhela run siam hne ber a ni tho thung.
An vawm zawh hnuin Royal Challengers Bengaluru vuak hun a thleng. An trophy kawl mek humhim tura tan khawh an ni bawk a an chetha hle. Over 15 leh ball li chauhah an target an khum ta mai a, Over 15.4 atanga hian run 203 an pui tlin hmana an khingpuite hi wicket 6 ngawta hnehin hnehna nuamsa an chang.
Royal Challlengers Bangalore tan Virat Kohli chuan ball 38 chauh a hmachhawn atangin run 69 a siam hman a, out lovin a dingtluan. Kohli bakah hian Devdutt Padikkal chuan ball 26 a hmachhawn atangin run 61 lai a siam a, RCB tan a thawhhlawk viau bawk.
IPL 2026 hi Pathianni zan khan khelh chhunzawm a ni a, vawi nga hampion tawh Mumbai Indians chuan Kolkata Knight Riders an mikhual a, result kan tarlang hman lo.
IPL 2026 RCB an chak nghal
