Iran chuan Middle East-a American sipaite ‘beih thut’ tumin ballistic missile eng emaw zat hmangin an kap tih US sipaiten an sawi a, inkahna a awm thar leh mek.
US huna Thawhlehni tlai dar 05:45 (India-a Nilaini zing dar 03:15) khan kapin missile zawng zawng hi ‘a zavaia lo dan vek a ni’ tih US Central Command (Centcom) chuan a sawi a. Iran pawhin Jordan-a US hmunte an kap tih an sawi.
US leh Saudi Arabian sipaite chuan Iran-in drone hmanga an beihna chhan let nan Iraq-a ‘Iran tanpui firfiakte an kap tih an sawi bawk.
Tehran chuan engmah a la sawi lo va. Inkah tawnna nia sawi hian inbiakna a awm thar leh theihna tura hun hawn nana US leh Iran inkara inkahna chawlhsan zeuh hnua thleng thar a ni.
Iran-a Islamic Revolutionary Guard Corps (IRGC) chuan Strait of Hormuzah tuialhthei phur lawng pathum an kap bawk niin Tasnim News Agency chuan a tar lang bawk.
US leh Saudi Arabia hian Iraq khawchhak lama ‘firfiakte awmna leh an ralthuam chhekna eng emaw zat’ an kap tih Centcom chuan a sawi.
US sipaite chuan hei hi ‘darkar 24 chhunga IRGC-in drone hmanga a beihna chhan letna’ tiin an sawi.
Centcom chuan Iran-a sipaite leh ‘an thawhpui firfiakte chuan US sipai beihna an tawrh zel loh nan kut an thawh an bânsan a ngai’ tih a sawi.
Thawhlehni khaw var hma khan Saudi Arabia chuan an sipaiten an ram khawchhak lama tuialhthei hmun beih tum drone an lo kap thla tih an sawi.
Defence ministry thupuangtu, Major General Turki al-Maliki-a chuan drone-te hi Iraqi ram chhunga Iran-in a puih helho kah niin a sawi.
Inkahna awm thar leh hma ni chiah hian US President Donald Trump-a chuan Iran nen ‘inthian tha takin an indawr’ tih a sawi a. Hetih lai hian ram pahnihte hi ni thum a zawnin an inkap tawh lo a ni.
A hma zan 13 zet a zawnin US hian kapin Iran chhim lama leiverh leh leite an tichhia tih an insawi a. Mi tam tak thi an awm bawk nia hriat a ni.
Inbiaknaah hian Strait of Hormuz thununtu zawk chu an mutan a ni a, Tehran chuan an ta ni ngeiin an chhal.
Inkahna a awm thar leh mek lai hian Israeli Prime Minister Benjamin Netanyahu-a’n Washington, tlawhin Trump-a nen White House-ah an inhmu a, US Senator Lindsey Graham-a vuinaah a tel bawk.
February thla tawpa Trump-a thupeka US-in Iran a beih atangin US sipai 624 velin hliam an tuar tawh niin Pentagon chuan a chhinchhiah a. Heng zinga 417 hi Operation Epic Fury an tih, US-Israeli tang dunin beihpui an thlaknaa mite an ni.
Iran-in Middle East-a US hmun a kap thar leh
