Iran in thubuai siamsak lo
Iran judiciary chuan Tehran university zirlai pakhat, underwear nen chauha awm chu thubuai siamsak a nih loh thu a sawi.
Judiciary thupuangtu Asghar Jahangir chuan media mite hmaah he thu hi sawiin, ‘damdawi inah dah a ni a, natna nei a nih avangin a chhungte kutah hlan a ni,’ a ti a. A lakah judicial case file a nih loh thu a sawi bawk.
November thla tir lam khan zirlai hmeichhe pakhat video chu darh chiamin, Tehran-a Islamic Azad University kawtah saruak thawthangin a thu a, sawisel a hlawh nasa hle a ni.
He thil thleng hian an ram hruaitu lute thlenga nghawng neiin, sawisel leh demtu an tam hle a. Kum 1979 Islamic Revolution hnuah hmeichhiate chuan kawrfual leh lukhuhna inbel tur a nih tawh laia hetiang thil thleng ta chuan rampum a fan chhuak rang hle a ni.
Iran in thubuai siamsak lo
