Iran hard-line parlimanet chuan reformist President Masoud Pezeshkian Cabinet member tin te chu pawm vekin kum sawm hnih chhunga leader in a cabinet ruatte pawmsak a nih a tawn hmasak ber a ni.
Parliament thutlukna siam hi Pezeshkian tan chuan chakna nia ngaih niin May thlaa hard-line president helicopter chesuala a thih avanga president ni thei chauh a ni bawk.
A cabinet tinte pawm an nih avang hian Pezeshkian chuan a cabinet member atan Iran theocracy center a thuneihna chelhtute vek a thlang tihna a ni bawk a.
Pezeshkian chuan Iran judiciary chief, Shiite cleric ni bawk leh parliament speaker, hard-liner ni bawk inthlana a hmachhawn te ang te chu a cabinet atana a thlan zingah an tel a. “Iran chuan concensus a thlang a ni,” tiin a sawi.
Foreign Minister hlui Mohamamad Javad Zarif, Pezeshkian tana inthlana campaign tu chu Cabinet selection hnuah vie president a nihna atangin a bang zui bawk a.
Pezeshkian cabinet thar zingah hian kum 61 a upa career diplomat Abbas Araghchi pawh a tel a, Iran foreign minister thar a ni ang a. Araghchi hi kum 2015 Tehran nuclear deal siam a nih theih nana palai zinga tel a ni.
Mahse, kum 2018 khan khatih laia US President Donald Trump chuan nuclear deal atanga US hnukdawkin Iran chu nasa zawkin a hrek zui ta a ni. Pezeshkian chuan inthlan dawna campaign a neihah nuclear deal chu tharthawh a tum thu a tlangaupui thung.
Candidate zinga lawmaker te thlawp hlawh ber chu defence minister thar Aziz Nasirzadeh niin lawmaker 288 awmah 281 ten an thlawp hial a ni. Nasirzadeh hi kum 2018 atanga 2021 chhunga chief of the Iranian air force nihna lo chelh tawh a ni bawk a.
Lawmaker thlawpna hmu tha lo ber chu Health Minister Mohammad Reza Zafarghandi niin vote 163 chauh a hmu a ni.
Minister zinga hmeichhia awm chhunHousing and Road Minister Farzaneh Sadegh, kum 47-a upa archietct chuan vote 231 a hmu a. Kum tam tak hnua Iran in hmeichhia minister a neih leh hmasak ber a ni.
Parliament chuan Pezeshkian an Intelligence Minister atana a ruat Ismail Khatib bakah Justice Minister Amin Hossein Rahimi te, President hlui Ebrahim Raisi hnuaia thawk ve ve tawh te pawh an pawmpui bawk a. Pezeshkian chuan Raisi hunlaia Industries minister Abbas Aliabadi pawh energy minister atan Pezeshkian chuan a dah bawk.
Iran parliament-in pawmpui fel
