Sunil Chhetri second half goal hmanga sikhat faia mualneitu Mumbai City FC hnehin Thawh-lehni zanah Bengaluru FC chuan Hero Indian Super League (ISL) semi-final hna hmasa an hlenchhuak phawt a, second leg hi an kawt-kaia khelh tur a nih avangin final lut tura ngaih an ni.
Mumbai Football Arena inkhela goal awmchhun leh mikhual team chakna goal ni zui ta hi minute 78-a sub-stitute Chhetri tihluh niin, Pathianni Bengaluru khaw return leg atan Blues dinhmun a duhawm zawk ta rih.
Season tluana an khawsak pangngai ang bawkin mualneitu Islanders khan Bengaluru lakah inkhel thunun zawkin, goal thun theihna hun remchang pawh an ngah zawk leh ngei a; tan atanga second hnihna lekah Greg Stewart chuan ding lam sir atangin box chhunga tan khawh Bipin Singh tan ball pein, Singh-a shot hi Prabir Das chuan a lo dansak hlauh
Bengaluru FC right-back Das vek hian minute 10 a liam leh rualin Lalengmawia Ralte leh Jorge Diaz-te one-two fuh lutuk tur a dangchat leh bawk.
Dakar khat an khelh tlin hma hretin Bengaluru boss chuan Sivasakthi Narayanan lachhuakin an rohlu Chhetri a luhtir a, he veteran striker hian a zawna game hnihna atan a team tan danglamna a thlen zui leh chiah a, minute 80 khelh tlin dawnah he inkhela langsar tak Das-a long-range shot chu goal kham chunga beng-liamsak niin, chu miin a hrin-chhuah Rosha corner pet atange ball chhuak chu amah vengtu laka talchhuakin Chhetri hian goal-ah a chantir a, Bengluru FC-in semi-final first leg hnehna an chan phah.
Blues hian Hero ISL-ah a zawnin match 10 chhung hnehna an chang tluang mek a; tarlan tak angin, an ke lehlama final rap tawhin, March ni 12, Pathianni hian an khelmual hman thiam Sree Kanteerava Stadium-ah ngei second leg an khel leh ang.
ISL semi-final: An ke lehlama final rap BFC
