Israel hmarchhak lama Caesarea khawpuia awm prime minister Benjamin Netanyahu chenna in chu flash bomb pahnih hmanga kah a nih thu police te chuan an sawi a, a tum thelhin thil pawi erawh a thleng lo niin an sawi.
Police te chuan he inah hian PM leh a chhungte awm an awm lo a, chhiatna dang pawh a thleng lo niin an sawi bakah, an rawn kahna chu huanah a tlak thu an sawi bawk.
He thil thlen hnu pathianni khan defence minister Israel Katz chuan he thil hi ngaihzam chi a ni lo tih sawiin, an thenawm ramte vauna ang chiahin an ramchhunga chengte ngei pawhin PM chu an bei duh thei nia sawiin, chhui chian nghal a nih tur thu a sawi.
He flash bomb hi ramri paltlanga a rawn kal theih dan leh hriat a ni miah lo chu ngaihzam chi a ni lo tih sawiin, kahthlak tumna eih pawh an neih hman loh avangin security minister Itamar Ben-Gvir chuan venhimna khauh lehzual leh hmanraw tha zawk an hman tur thu a sawi zui ve bawk.
Israel in an PM chenna beih a nih thu sawi
