Israel in an ram chhunga
UNRWA hmalak a khap
Israel chuan helho a beihna leh a thenawm ramte nen an indo karah tanpuitu pawl lian tak UNRWA te chu an ram chhunga hmalak a khap.
Israel sorkar chuan thawhtanni khan he thuchhuah hi siamin, United Nations (UN) in tanpuitu pawl a din UN Palestinian refugee agency UNRWA te chuan indona karah Hamas leh ralthuam keng pawl dangte nasa takin a pui nia sawiin, an ramchhunga an luh a khap a ni.
He an dan siam avang hian United Nations leh khawthlang lam ram thenkhat an thinur hle a, indona avanga Gaza lam dinhmun tha tawh lo tak chu a chhiat zual phah an hlau hlawm hle.
Ram hrang hrangte chuan he pawl kaltlang hian tanpuina an pe in, anni hian indona karah civil mite dinhmun enfiahin, a tul angin enkawl leh tuamhlawm hna an thawk reng a, India ngei pawhin nimin khan damdawi lama tanpuina a lo thawn tawh bawk a ni.
Israel chuan he pawl hi an pawm ve loh avang leh an ramchhunga luh an phalsak loh avangin UN mai bakah UNRWA a an hotu Philippe Lazzarini a tilungawi lo hle a, civil mite dinhmun ngaihtuah lo leh Israel chu dan bawhchhe nasa tak niin a sawi.
Israel in an ram chhunga UNRWA hmalak a khap
