Israel-in nasa takin Lebanon-ah beihpui thlak

Israel-in nasa takin
Lebanon-ah beihpui thlak
Israeli sipaite hian Lebanon ram pumah thlawhtheihna hmangin nasa takin beihpui an thlak a, thi leh hliam tam tak an awm nia sawi a ni a, damdawi in an indaih lo va, mi tam tak thil chim leh chhiain a la delh rin a ni.
Israel chuan Nilainia an chetna hi indona kal meka thlawhna hmanga beihpui an thlakna lian ber niin a sawi a, minute 10 chhungin Hezbollah command center leh sipai hmun nia an sawi 100 chuang an kap.
Beirut chhim lam dai, Lebanon chhim lam leh Bekaa Valley khawchhak lamah beihpui hi an thlak.
Israeli Prime Minister Benjamin Netanyahu-a pisain US leh Iran inkara inkahhai siam tura hma latu, Pakistan-in inkahhai hian Lebanon-a indona pawh a huam tih a sawi a dik lo tih a sawi hnu lawkah beihpui hi thlak a ni.
Indonaah hian Lebanon-ah mi 1,500 chuang an thi tawh a, an zingah hian naupang 130 an tel.
Mi cheng pangaa pakhat zel ang vel, maktaduai 1.2 chuang chu hmun him zawngin an insawn tawh a. A tam zawk hi Bekaa Valley khawchhak lam leh Beirut chhim lam dai, Hezbollah-in thuneihna a channa hmuna Shia Muslim an ni.
Ramri bula khuate tihchhiat a ni a, a beitu Israeli sipaite hian Israeli thuneituten security buffer zone siam an tum tihhlawhtlin an tum a, Hezbollah hmunhma tihchhiat leh an fighter-te hnawhchhuah an tum a. An tum dan avang hian indo a tawp hnuah pawh hmun thenkhatah chuan a chengte an kir leh thei tawh loh hlauhna a siam.
February thla tawp lama US leh Israel tang dunin Iran laka indo a kalpuia inkahhai puan a nih hnuah Lebanese president chuan ‘inkahhaia telh tura hmalak’ zel a nih tur thu a sawi.
Hezbollah hian inkahhai puan a nih hnua eng beihna an thlen lohthu sawiin, ‘hnehna ropui tak’ an chan thu an sawi a. In leh lo chhuahsante chu an kir leh hmain inkahhai puan dan mumal nghak turin an ti.
Lebanon-ah chuan kum tam tak chhunga Hezbollah leh Israel inkara buaina chhuak nasa ber tling mek hi US leh Israel tang dunin Iran an beih tan tirha Supreme Leader Ayatollah Ali Khamenei-a an thah phuba lak nana rocket-a Israel an kah atanga intan kha a ni a. November khan an inkarah inkahhai puan a lo ni tawh a, hetih lai hian ni tin deuhthaw tharum thawhna a thleng tho.
Israeli thuneitute chuan Iran nena inremna awm mah se Lebanon-a beihpui thlak chhunzawm zel an tum thu an lo sawi tawh a. Hetih rual hian Israeli chanchinbute chuan sipaite hian an hma sawn an tum lo niin an tar lang a, Hezbollah chu tharum hmanga ralthuam chhuhsak mai theih an ni lo tih an pawm niin an tar lang bawk.
Kum 2024-a inkahhai an puan khan Lebanese sorkar chuan Lebanese tual chhung indona a chhuah laia Israel-in Lebanon ram an luah do tura din, Hezbollah-in an ralthuam an dah theihna tura ruahmanna siam a nih thu a sawi a; mahse, an pawl hian nakin zela ralthuam an lek leh lek loh chungchang sawiho erawh tun thlengin an la duh lo.