Israel leh Hamas in inbiak an hnaih
Thla tam tak chhung buai tawh Israel leh Hamas te chuan inkahhai mai ni lo, Gaza hmuna inrem an hnaih nia sawi a ni.
Palestinian official senior pakhat, a hming tarlan loh chuan he thil hi thutlukna siam tawp berna tur a nih hmel niin BBC a hrilh.
Israel defence minister Israel Katz pawhin inremna zawnga ke an penna chu a hma zawng aia hlawhtling ni tura a beisei thu a sawi ve bawk.
Thla 14 chuang zet indo tawh ram hnihte lakah hian tun hnai kar engemawzat chhung khan remna a awm theih nan US, Qatar leh Egypt te chuan palai hna an thawk nasa hle a, hei hi a hlawhtlin ngei an beisei hle a ni.
Israel palai, hemi chungchanga thawhhlawh tak pakhat chu Qatar khawpui Doha-ah awm mekin, hei hian Israel leh Hamas ho buaina chinfel dan a dap nasa nia sawi a ni bawk.
Palestinian official pakhat sawi danin, he inbiakna leh inremna hi a hlawhtling a nih chuan Gaza-a civil mi leh hmeichhe sipai an man 45 chuangte chu Hamas ho hian chhuahin, Israel sipaite te pawhin Egypt ramri hnaih, tuipui kama an inbunna atangin haw zai an rel dawn a ni.
Israel leh Hamas in inbiak an hnaih
