Israel mipa naupang kahhlum a ni

Israel mipa naupang kahhlum a ni
Israel mipa naupang, kum 12 mi chu Palestinian ten an ram luah mek West Bank khawthlang lama bus-ah kahhlum a nih thu Israel thuneitute chuan an sawi.
Israel sipaite chuan silai kengtu hian Al-Khedar Junction area-a bus hi Beitar Illit hmun atanga Jerusalem pana a tlan laiin a kap chiam mai niin an sawi bawk.
Naupang kahhlum tak hi Yehoshua Aharon Tuvia Simha a nih thu thuneitute chuan an sawi a, amah lo nunna chan dang an awm lo tih sawiin, hmeichhe pakhat leh mipa pahnih chuan hliam na tak an tawrh thu an sawi thung.
He pawikhawihtu hi tlanchhe mah se umzui nghal a ni a, Israel sipaiten Bethlehem area an dap laiin Israel security force te kutah a inpe ta niin sipaite chuan an sawi.
Hetih lai hian he pawikhawihtu hi Hamas hel pawlte chuan anmahni mi leh sa a ni lo nia sawiin, Israel huatna neih vang hrim hrima che nia an ngaih thu an sawi ve bawk.