Israel sipai te chuan Palestinian te tana ais distribution point a mipui pungkhawm te chu kapchiamin mi 104 in nunna an chan a, mi 700 chuangin hliam an tuar tiin Palestinian health officials te chuan an sawi.
Israel sipai te pawhin mipui an kah thu sawiin an tana hlauhawma an chet avanga kap an nih thu an sawi bawk.
Palestinian Health Ministry chuan Israel sipai te chetdan chu ‘insuatna’ tia sawiin a dem thu a sawi bawk.
AFP in mita hmutute thusawi a sawi chhawnah tanpuina phur truck in Gaza khawthlang lama Nabulsi a luh rualin mi sang tam tak ei tur duha pungkhawm te chuan an hual nghal a ti a.
“|anpuina phur truck chuan army tank a pan hnai lutuk a, mipui sang tam tak te chuan truck thil phurh chu an inchuh nghal luih luih bawk” tiin a sawi a. “Israel sipai te chuan tank hnaih lutukah mipui an awm zel avangin silai an kap puak ta a ni” tiina sawi bawk.
Israel Army te chuan northern Gaza Strip a humanitarian aid truck lut chu Gazan te chuan lo lambunin a thil phurh te an inchuh nghal a ni tiin a sawi a. An inchuhna lamah Gazans tam tak te chu an inpalthlu tiin a sawi ve thung.
Mipui te chuan Israel sipai te chu an tana hlauhawm turin an hnaih lutuk a, sipai te chuan silai an hmetpuak ta a ni, tia sawi a ni bawk.
Gaza hian harsatna namenlo tawk mek tawhin ei leh bar tlakchhamna a nasa tawh a, thi leh hliam tam tawh siin nitin mamawh tlakcfhhamna a nasa hle tawh bawk.
Israel in Hamas te nuaichimih tuma hma a lakna kal zelah Gaza-ah nunna chan 30,000 an chuang tawh tiin Gaza Health Ministry chuan a tarlang a. Gaza ah hiaqn UN chuan mihring 2.4 million vel chengin tam tuar thei reng an ni tawh a, inkahana aawm reng avangin tanpuina pawh pekluh hleihtheihin a awm lo a ti bawk.
Israel sipai ten Gazaa-ah civilian 104 an kaphlum tiin sawi
