- LR&S minister
ITI Aizawlah surveyor zirna
Surveyor mamawhna a sâng
- LR&S minister
Surveyor mamawhna a san avangin Industrial Training Institute (ITI) Aizawla surveyor course training theihna awm sa chu thuam chaka tihchangtlun a ni dawn.
Nilaini khan Land Revenue & Settlement department leh Labour, Employment, Skill Development & Entrepreneurship department chuan ITI Aizawla survey zirchhuakten thiamna tha an neih theihnan, LR&S-a surveyor leh technical officer-te thiamna hman tangkai dan, ITI atanga zir chhuakten practical training tha zawk leh apprenticeship an neih theihnan, LR&S department surveyor-ten refresher course an kal theihna atana thawhho dan tur an sawi a ni.
LR&S minister B Lalchhanzova chuan surveyor mamawhna a san zia chu tlang hriat a ni a, empanelment of survey firms kalpuiah pawh surveyor tha indaih lohna a nasat bakah licensed surveyor an buaipui leh mek tih a sawi. Surveyor zir chhuakte tan thawh tur a tam tih sawiin, “Department pahnihin convergence kan kalpui thei tur hi a lawmawm a. Hman tlaka surveyor zirchhuak thalaite tan ram chhung leh pawnah hnathawh tur a inhawng zau dawn,” a ti.
LESDE minister Lalnghinglova Hmar chuan ITI Aizawla surveyor course chu a thawhpuite nen uluk taka an zirchian hnuah tihchangtlun a tul zia hria in, hemi kawngah LR&S department phungbawma sawm an ni ta tih a sawi a. Department pahnih thalaite tana thiamna tak tak pek kawnga an thawkho tur chu thil pawimawh tak a ni tih a sawi bawk.
Tun tuma department pahnih hotute thukhawma an thu rel hi hrualmuma memorandum of understanding ziah thuai a nih theihnan MoU Drafting Committee an ruat a. Thawhdunna thuthlung duanfel a nih veleh ziahhnan tum a ni.