Apex tribal organisation chuan November 29 ah State parukah ethnic-violence vanga buai Manipur a Kuki-Zo community te tana ‘seperate administration’ ngiatin rally an nei dawn.
Rally hi New Delhi, Karnataka, Mizoram, Tamil Nadu leh Tripura bakah Manipur tribal area ah te neih a ni ang, tiin Indigenous Tribal Leaders’ Forum (ITLF) te chuan an sawi a.
Tun hnaiah Manipur-a Kuki-Zo MLA 10 te chuan Aizawl-ah Chief Minister Zoramthanga nena inhmuhna an neih hnuah thutlukna siam a ni a. Heng MLA te hi pasarih chu BJP an ni a, May 3 a buaina chhuah a\angin Imphal-ah an la let leh lo.
MLA 10 te hian Zoramthanga chu Manipur buaina chinfel a nih theih nana inrawlh turin an ngen a. Meitei tamna Imphal Valley ah tun thlengin Kuki-Zo mite tana ‘seperate administration’ demand tur pawhin an la let thei lo, an ti bawk.
Centre leh Manipur sorkar Nongthombam Biren Singh kaihhruaite chuan he demand hi hnawl thungin State territorial integrity a khawih dawn an ti a.
“Thil chiang leh fiah tak chu Kuki-Zo mite chu illegal immigrants leh narco-terrorists te tiin Imphal Valley-ah hnawlin an awm a ni. Rally kan neih tur hi Manipur Chief Minister a\anga N. Biren Singh paih a nih theih nana kan demand tihchakna tur a ni tel bawk,” tiin ITLF thupuangtu chuan a sawi.
Zoramthanga pawhin Manipur MLA te chuan tun hnaiah an hmuh thu leh buaina chingfel tura an ngen thu sawiin, “Central leader te nena inbe pawp renga Manipur thil thleng hrilh hre reng turin thurawn ka pe a ni,” tiin a sawi bawk.
Tun dinhmunah Mizoramah Manipur, Myanmar, Bangladesh a\anga Zo ethnic raltlan mi 35,000 vel an awm mek a ni.
ITLF ten khawpui parukah rally nei dawn
