J-Hope ARMY update

J-Hope ARMY update
J-Hope chuan a sipai tan chungchang ARMY tana update Weverse-ah neiin, “ARMY-te in lo damtlang em?” ti a bul tanin, salute leh purple heart emoji dah telin, “A vawt sawt khawp mai! Boruak a vawh tak deuh vang te pawh a ni ang, hun a kal ve zel tih kan hriatchhuah thinna ang kha a ni.
“Ka rin aia insiamrem rang thei turin ka thawk rim a. Phur chu a rit ve deuh… a chhan chu Korea thalai te sipai nunchan lama an ke pen tanna tura kaihruaitu dinhmun a ni a,” a ti bawk.
BTS member J-Hope chuan “special warrior” designation a hlawh thar chungchang pawh tarlangin, “Kawng hrang hranga theihtawp kan chhuah chuan result duhawm kan nei thin,” a ti.
J-Hope chuan, “Ka tha a, ka puitlin sawt bawk tih ka rawn hriattir che u a ni. ARMY te hritlang kai lo turin lo fimkhur rawh u!!” tiin a tawp nan John Cena tawngkam hawhin, “I’m in the ARMY!” a ti. (Wrestler John Cena hian May 2018 khan BTS pualin Korean-in video-ah he thu hi a lo sawi a ni).
J-Hope hian a thu chunga phone a bih vang vang lai niawm tak thlalak a dah tel a, a sipai luh dawna a sipai lumeh pawh tunah chuan a thang sei leh ta deuh bawk.
J-Hope hi BTS member zinga South Korea sipai-a inziak lut pahnihna niin, kumin April khan a lut a, nikum December khan BTS member dang Jin chu sipai-ah a lo inziak lut tawh a, September ni 22 khan an member dang Suga chu sipai-ah a inziak lut ve leh tawh bawk. South Korea-ah hian an mipa pangngai te chu kum 18 leh kum 35 inkarah sipaiah tla 18 tal an tan ngei ngei a ngai a ni.