External Affairs Minister S Jaishankar chuan re-globalisation kalpuia democratic zawk leh tha zawka kalpui a ngai tia sawiin Global South ram te chu supplier tlemte te zahngaihna hnuaia awm reng thei a ni tawh lo tiin a sawi.
CII New Delhi-a B20 Summit neihnaa thusawina a neihah Global South chu producer a nihna aiah consumer anga ngaiha nasa taka tihhniam niin hei vang hian economic lama hlawkna pawh a chan nasa tiin a sawi bawk a.
“Global South hian economic inthlak danglam avanga hlawkna a tel lo, leiba tam tak neiin siamin a awm zawk a ni. He a harsatna tawh hi tun hnaia leiba, Covid leh buaina hrang hrang chhuakin a tipunlun zual a ni,” tiin Jaishankar chuan a sawi a.
“Hei vang tak hian huapzo zawk re-globalisation kan mamawh a, democratic zawk centres of production tam tak awmna consumption chauh ni lo kan mamawh a ni. Chutak chu business tena danglamna an siam theihna tur chu a ni,” tiin ‘Role of Global South in Emerging World 2.0’ tih session neihnaah a sawi.
Jaishankar chuan G20 tum ber chu economic growth leh development a ni a ti bawk a, Global South in a ngaihmawh te leiba leh finance, sustainable development, climate action, food security leh hmeichhiate kaihhruai hmasawnna ngaihthah a nih chuan hmasawnna tak tak a thleng thei lo tiin a sawi bawk a.
“Supplier tlemte te zahngaihna hnuaiah kan awm reng thei tawh lo va. Chu chu Covid pandemic hun lai khan fiah takin a lang a ni,” tiin a sawi bawk.
Jaishankar chuan supply chain awmze nei zual leh rintlak zawk an siam a ngaih thu a sawi bawk a. “Digital domain chuan inrintawnna leh langtlang thilah ngaihthat tawk lohna a siam nasa a. Hei vang tak hian strategic autonomy pawimawhna a lang fiah a ni,” tiin a sawi bawk.
Jaishankar chuan Global South hawia investment, trade leh technology lama hmalakna nasa zawk a awm chauhin global order mumal a awm thei chauh ang tiin a sawi bawk.
Jaishankar-an Global South pawimawh ti
