Ram pawna i chhuak a nih chuan ‘politics aia lian a awm maw le’ tuiin External Affairs Minister S. Jaisahnkar chuan US a tlawhnaa COngress leader Rahul Gandhi an Prime Minister leh a sorkar a beih vak hnuah a sawi.
Karkalta khan Santa Clara a Indian Amercians pungkhawm te hmaah Rahul Gandhi chuan Prime Minister Modi chu ‘Specimen’ tia sawiin a sorkar policy te a sawisel bawk.
Cape Town, South Africa a BRICS Foreign Ministers meeting neihnaah Jaishankar chuan a duh duh a sawi theia mahse ram pawn a nih chuan politics sawiloh ni se a ti bawk a.
“Ram pawnah chuan politics ni lo in keima chungchang ka sawi thei a. Ram chhunah chuan inhnialna nei turin ka inpeih at reng thung a ni” tiin a sawi.
“Democratic culture pawh hian collective responsibility a nei a. National interest a awm a, collective image a awm bawk a. Ram pawna chhuah chuan politics aia pawimawh leh lian zawk a awm a, chu chu hriatreng a ngai” a ti bawk.
“Tu emaw nen ngaihdan a in ang lo a ni thei a. Anni nena kan ngaihdan pawh a in ang lo. Mahse, ka hnial dawn a nih chuan kan ram aka haw hunah ka ti ang a, ka let hunah min lo en dawn a ni” tiin India top diplomat chuan a sawi.
Jaishankar chuan Indian foreign policypakhat chu ram pawna Indian khua leh tui te hamthatna leh thatna ngaihtuah a ni tiin a sawi a. Indians te hmun tinah an awm tawh avangin harsatna ahtlen thuta Indian khua leh tui te welfare ngaihtuah a ngai tiin a sawi bawk a.
“A chang chuan ram pakhat bil thil a ni thei a. Kar reilote kaltaah khan Sudan ah dinhmun duhawm lo zet kan tawng a. Nikum khan Ukraine ah indona avangin Indians 5,000 chuangin nunna an chan a, tunah phei chuan 20,000 chuang an awm tawh. Tun hnai kum kua chuhngin kum tinin khawi khawi hmunah emaw harsatna kan tawk reng a ni” a ti bawk a.
“Chungte chu thil la thleng reng tur a ni dawn a, hei vang hain Indians te ran pawna awma hnathawk te enkawl chu kan tihmakmawh a ni” tiin a sawi bawk a.
“A chang chuan thlawhna chuanna tur pek te a nei thei a, a chang chuan ram pawna tangkhang te lakchhuah a ni thei a, a chang chuan sum nei lo te puih a ni thei bawk a. A thnenah chuan nunna chan te pawh an awm a ni” tiin a sawi bawk.
Jaishankar an Rahul Gandhi chhan let tum
