Basketball superstar LeBron James chuan chawlh mai a la tum lova, Los Angeles Lakers chhuahsanin club dang zawm a tum.
NBA a point thawkchhuak hnem ber James hian season riat chhung LA Lakers tan a khel tawh a, 2020 khan NBA-ah a champion pui. Kum 2024 atang khan a fapa Bronny James nen LA Lakers tan hian a khel tlang nghe nghe.
LA Lakers thuneitute chuan LeBron James chu infiammi ropui ber zinga mi a ni a, an kianga khel a, 2020-ah a champion pui chu an ngaihlu tak zet tih an sawi a. A khelh lehna leh a hma lam hunah duhsakna sang ber an hlan thu an sawi tel bawk.
James hian Golden State Warriors a zawm dawn niin thuthar thehdarhtute chuan an sawi. A chhuahsan tur LA Lakers tan hian season liam ta khan a khel tha thawkhat a, game tinah point 20.9 thawkchhuak ziah ang niin, game tina assist vawi 7.2 nei ziah ang a nih bakah ball sawhlet vawi 6.1 dawng tling ziah ang a ni bawk.
James hi vawi 22 ngawt All-Star-ah a tel a, NBA-ah vawi li champion tawhin NBA-ah hian game 1,622 khelin point 43,440 a thawkchhuak tawh a, point thawkchhuak hnem ber a ni mek a ni.
James a inpuchhuak dawn
