Japan-in cycle khalh chunga phone hman a khap
Japan ram chuan lirthei khalh laia mobile phone hman hrim hrim an khap hnuin, cycle khalhtute tan pawh dan thar siamin, thla ruk thleng jail an tan theih tawh dawn thu nimin khan an sawi.
An dan thar siamah chuan lirthei khalhtute reng reng chu dan an bawhchhia a nih chuan a tam berah thlaruk chhung jail tan theihna leh an ram pawisa yen 100,000 thleng chawitir theih a nih thu an dan tharah hian an sawi bawk.
Phone hmang chunga cycle khalhtute tan dan thar an siam bakah hian zurui chunga cycle khalh pawh phal ni lovin, dan zawm lote chu kum thum thleng lung in tan leh yen 500,000 thleng chawitir theih an nih thu an tarlang.
Japan ramah hian nikum chhung khan cycle chetsualna hi 72,000 chuang record a awm tih thuneitute chuan sawiin, hei hi ram chhunga lirthei zawng zawng chetsualna zinga 20% a tling phak nia sawi a ni bawk.
Japan-in cycle khalh chunga phone hman a khap
