Multi-billionaire Jeff Bezos chuan Amazon-a share a neih chu hralh belhin tihian tun hnaiah a share $4 billion vel zet a hralh ta a ni.
Technology giant Bezos ah kum 1994 a din atangin hian tun thla chhung ringawtin 24 million share a hralh tawh a.
Bezos hi he firm executive chair niin kum 2021 khan a Amazon share chu a lo hralh tawh bawk a.
A hma in company chuan kum khat chhungin a share 50 million hralh a tum tia sawiin chu chu tuna a hlutna anga chhut chuan $8.4 billion vel a ni.
Karkalta Zirtawp khan 12 million share a hralh phawt a, thawhlehni khan 12 million share dang chu a hralh leh a. Bezos hian a hma pawhin a Amazon share te chu philantrophy a kalpuina zelah a pek chhuah tur thu a lo sawi tawh a ni.
Nikum khan a chenna Seattle, Washington atangin Miami, Florida-ah ainsawn bawk a, hei vang hian a share $4 billion vel a hralh atanga chhiah a -pek tur $280 million chu a hum thei dawn bawk.
Washington state ah chuan share hralhna atanga sum hmuh $250,000 chinah 7% chhiah lak a ni a, Florida chuan capital gains atangin chhiah lak a nei ve lo a ni. Mahse, federal tax erawh a pek a ngai dawn tho thung.
Bezos chuan nikum November thla khan a naupan laia a hun hman tamna Miami ah a nu leh pa te an inbenbel thu sawiin anbul hnaia awm a duh tiin a sawi a, chubakah a Blue Origin space project hnaiha awm a duh tiin a sawi bawk.
Bezos hi tichung hian Amazon a shareholder lian ber la niin khawvela mihausa ber pawl a la ni reng bawk a, a hausakna belhkhawm chu $190 billion chuanga chhutsak a ni.
Bezos hian nikum khan country music star leh philantropist Dolly Pardon charitable cause atan $100 million a lo pe tawh bawk a. CNN tena an kawmnaah a dam chhung ngeiin a hausakna atanga atam ber chu midang te tanpui nana pekchhuah a tum thu a sawi bawk a.
Mahse a pekchhuah dan tur erawh sawi lang lovin sum a pek ngei tur thu erawh sawiin, “A harsa lai ber chu engtiangin nge kan pek chhuah ang tih zawk a ni” tiin a sawi.
Bezos Earth Fund pawh kalpuiin climate change beihletna tura tih niin kum 2020 a kalpui tan kha niin $10 billion a lo pe tawh a ni.
Jeff Bezos an a share $4 billion hu hralh
