Tunlai country music khawvelah chuan ani aia langsar zawk an awm bik chuang lo tih tur khawpin a lar a, a taksa hmun hrang hrangah tattoo a ngah hle a, a ban zawng zawngah a khat emaw tih mai tur a ni a, a hmai thlengin tattoo a nei a, mahse, a tattoo ngah lutuk chu a inchhir thu GQ magazine-in an kawmnaah a sawi chhuak.
Jelly Roll chuan, “Heng tattoo 98 percent, 97 percent hi chu ka inchhir. A vai deuhthaw hian a ni mai,” a ti a, “Kum 17 vel ka nih lai khan ka tal hiar ve deuh a, tunah kum 40 ka lo ni ve ta a, khang hunlai khan eng rilru nge maw ka lo put phiangsen chu le ka ti rilru ta fo,” a ti.
Jelly Roll chuan a tattoo zingah pawh fuh lo tihzual deuh te a nei a, chung zingah chuan naute tip zu lai lem pawh a tel a, “Hei hi chu a nasa deuh mah mah a ni,” a ti.
Jelly Roll hian kum 14 tlinin tattoo a nei tan a, a hmasa ber chu an thenawm ni AIDs avanga thi pualin a banah kraws lem a chukai a ni. A tattoo zinga awmze nei ber chu a hmaia kraw lem niin, “Hei hi chu ka nun danglam ta ka chhinchiahna, bul thar ka tanna entirna a ni. Ka kraws put tur ka inhriatchhuah tir thinna tur a ni,” a ti bawk.
Jelly Roll-a’n a tattoo ngah lutuk a inchhir
