Jharkhand Mukti Morcha’s (JMM) Champai Soren chu February 2 khan Jharkhand Chief Minister atana lakluh a ni a. A rual hian Satyanand Bhokta leh Alamgir Alam te chu Cabinet Minister atana lakluh an ni nghal bawk.
Champai hi January 31-a Enforcement Directorate tena Prevention of Money Laundering Act (PMLA) hmanga Governor hnena Chief Minister atanga banna a thehluh hnuah an man avangin JMM Legislature Party-te chuan leader tharah an thlang a ni.
Champai hi Jharkhand-a Kolhan region – East Singhbhum, West Singhbhum leh Seraikela-Kharsawan district pawh huamna atanga CM parukna a ni bawk.
Champai Soren chu majority a neih zia fiah nan ni 10 chhung hun pek a ni tiin State Congress chief Rajesh Thakur, JMM kaihhruai alliance a tel chuan a sawi.
Jharkhand Assembly member 81 awmnaa majority alliance-te chuan MLA 47 an nei a – JMM ten 29, Congress ten 17 leh RJD ten 1 an nei a. BJP-te chuan member 26 nei thungin AJSU ten pathum an nei a, NCP leh CPI(ML) ten pakhat ve ve neiin Independent pahnih an awm bawk.
JMM kaihhruai alliance a tel lawmaker-te chu BJP tena an lei loh nan tiin Hyderabad-ah dah vek an ni a.
MLA rualte chu a hma pawhin Ranchi Circuit House-ah February 1 atang khan khungkhawmin an awm sa tawh a ni. JMM-te hian Assembly-ah majority neih nan MLA 43 neih an mamawh a, MLA 47 an nei mek a ni.
Jharkhand CM atan Champai Soren la lut
