Jimin solo album hmasa ber ‘FACE’ tlangzarh ta
BTS member Jimin solo album hmasa ber ‘FACE’ chu nimin khan a tlangzarh ta a, he album aTanga a lead single ‘Set Me Free Pt. 2’ pawh a lo tichhuak tawh bawk a ni.
‘FACE’ album-ah hian hla paruk awmin ‘Set Me Free Pt. 2’ bakah ‘Like Crazy’ leh ‘Face Off’ te pawhin ngaihven a hlawh nghal hle. Production lamah Pdogg, Ghstloop leh Evan te nen an thawk ho a, BTS-a a bandmate RM nen an hla phuah dun pathum a tel a, RM hming hi a tarlang tel nghe nghe a ni.
Album a tlangzarh hma lawk hian Jimin hi The Tonight Show-ah inlanin, a album thar chungchang hi an Jimmy Fallon nen an sawi hot a, Jimin hian BTS member ten group anga chawlh an lak chhungin solo lama han kal te chu an phur tlang hle niin a sawi a, “Result pawh an nei Tha hlawm hle a ni,” a ti.
Jimin chuan a solo album a tlangzarh tur chu a phur viau ruala a zam ruk ve thu sawiin, “Ka member pui dang te tana zahna thlentu nih ka duh lo. Inchhuang taka BTS member nih theih ka duh a ni,” a ti bawk.
Jimin solo album hmasa ber ‘FACE’ tlangzarh ta
![](https://theaizawlpost.org/wp-content/uploads/2023/03/jimin.jpg)