New Delhi-ah Mizoram sawrkar leh sawrkar laipui Ministry of Jal Shakti Department of Drinking Water & Sanitation chuan Jal Jeevan Mission 2.0 kalpuina tura inremna, memorandum of settlement an ziak a. Union minister of Jal Shakti CR Paatil bakah Mizoram atangin chief minister Lalduhoma, PHE minister Prof. Lalnilawma bakah department hotuten inbiak hmuh theihna hmangin an telpui.
MoU-ah hian Mizoram sawrkar aiawhin PHE secretary Zodingpuii leh Department of Drinking Water & Sanitation aiawhin joint secretary Swati Meena Naik ten hming an ziahhnan a ni.
Inbiak hmuh theihna hmanga chhimtu chief minister sawi danin, Mizoram chu India rama JJM zaa za tihlawhtling hmasa ber state zing ami a ni a. Chhungkaw 133060 chu an ina herhhaw theihin tui connection an pe. Thingtlanga school leh Anganwadi centre zawng zawng hetiang hian an pe vek bawk. Water Supply Scheme 852 sanction an hmuh atangin 849 physical work an zo tawh a, zaa 99 thawk zo tawh ang an ni. Water Testing Laboratory 28 an nei tawh.
“JJM 2.0 atana inremna kan ziak thei hi kan lawm hle a. Nasa takin kan tangkaipui dawn. Viksit Bharat tihhlawhtlinna pawimawh tak a ni dawn a. Chutihrualin, JJM kalpui tawhtea central share, December 2024 atanga la pekchhuah loh chu a rang lama release turin ka ngen a ni,” a ti.
JJM 2.0 atan inremna ziak
