Independent MLA pathum tena Haryana a BJP sorkar an thlawpna an hnuhdawh tak hnuah Jannayak Janta Party (JJP) leader leh Deputy Chief Minister Dushyant Chautala chuan Governor hnenah lehkha thawnin a party chuan BJP sorkar an thlawp loh thu leh State a sorkar siam thei political party tute pawh a thlawp tur thu a hrilh.
JJP senior national vice-president ni bawk Chautala chuan BJP sorkar chu House floor ah majority an nei nge nei lo finfiah turin a ngen bawk a.
Governor hnena lehkha a thawn hma ni ah Chautala chuan BJP sorkar paihthlak a nih theih nan Congress sorkar chu pawn lam atangin an thlawp dawn tiin a lo sawi tawh a ni.
Independent MLA pathum tena BJP sorkar an thlawpna an hnuhdawh hnuah leh Assembly seat pahnih hnawhkhah loha a awm bawk vangin Chautala chuan a lehkhathawnah, “Thil thleng mek leh kan party dinna chiang taka kan tarlan angin – chu chu JJP te chuan tun sorkar mek hi a thlawpna a hnukdawka sorkar siam thei party tute pawh a thlawp dawn a ni. Chuvang chuan tun sorkar laimek hi chuan legislative assembly ah majority a nei ta lo a ni” tiin a tarlang.
Haryana-ah ‘ngelnghehna’ a awm theih nan leh ‘democratic norms humhim chu thil pawimawh hmasa a ni tiin Uchana MLA Chautala chuan sorkar lai mek chu Article 174 of the Indian Constitution phut angin House floor ah majority fiah tur in a ngen bawk.
Haryana-ah hian Assembly member 90 awm theiin tunah erawh 88 an awm mek a, chuvang chuan majority nei turin MLA 45 neih a ngai a ni.
JJP leader-in sorkar fiah turin ngen
