President Joe Biden chuan State of the Union address a neihah na taka Donald Trump beiin chu mai bakah a re-election campaign chu thupui berah a nei bawk.
Biden chuan Trump sawi nan ‘my predecessor’ tih chu tum 13 lai a hmang a, darkar khat chuang thu a sawi a ni.
Biden chuan a elpui ber tur Trump chu Russia laka ‘kun hniam’ tia puhin Capitol riot thlengah a dem bawk.
“President Lincoln leh Civil War hnu khan tun ang hun ang renga zalenna leh democracy in beih a tawh nasat a la awm lo. Kan tun hun danglamna chu ram chhung leh pawnah zalenna leh democracy in beih a tawk a ni,” tiin a sawi bawk.
Heng bakah hian Biden chuan immigration, nau-tih-tlak. economy leh Gaza chung chang a sawi bawk a.
House chamber chhung boruak tan viau lai pawh awmin Democrats te an au hluah hluah laiin Republicans ten an ner khum thung.
Biden thusawi chu State of the Union address pangngai aimahin political convention lam hawi zawk niin kumin hi inthlan kum a nih avangin Biden tan boruak a sang zual a ni.
Trump selna
A thusawi tam tak chu Trump-a beihna niin, “Ka thlak taka khan president-in American mipui tena laka a bat neih a basic duty anmahni enkawlna lamah a hlawhchham a ni,” tia sawiin chu chu Trump an Covid pandemic a hmachhawn dan a sawina niin, ‘pawm theih loh’ a tih khum sak bawk.
Tun hnaia Trump-a’n Russia leh Nato chungchang a sawi dan chu sawisel bawkin chumai bakah 6 January 2021 a Capitol beihna chhan thudik chu phumbo tumah a puh bawk a.
Supreme Court-in Roe v Wade ruling nautithtlak remtihna a paihbo na kawngah Trump chu a puh bawk a, chumai bakah bipartisan immigration reforms dangah a puh bawk.
Trump thung chuan Biden thusawi chu a la chhan let tur thu a truth Social paltform-ah a sawi nghal a. “Biden hi amah leh a party tena chhiatna nasa tak an thlen laka inthiarfihlim tumin a tlan mek a ni,” tiin a sawi a. “Chhiatna thlentu an policy te chu kalpui chhunzawm zel an tum a ni” tiin a sawi bawk.
Biden an na tak maia Trump-a beihna chhan hi a tul tia sawi sak a ni a. Kum 81 a ni tawh a, US history a president upa ber ni mek niin tum tam tak a upatna leh hriatreng lamah rinhlelh tawk a ni bawk.
A approval ratings pawh US modern president zinga president chuh leh tur zingah a hnaim ber bawk a. Trump nen statistal data lamah chuan an intluk tawk reng a, Trump pawhin negative vote a hmu teuh tho bawk.
Biden chuan Republican te chu nau-tih-tlak chungchangah bei bawkin ‘America-ah hmeichhe thiltihtheihna an hre lo a ni’ tiin a sawi bawk.
US economy dinhmun tha chu fakin ‘sawi hlawh lo comeback story turu ber’ tiin a sawi bawk a.
“Economy tluchhe mai tur ka chhawm a. Tunah erawh kan economy chu khawvel awh a ni tawh” tiin a sawi bawk.
Gaza indona chung chang pawh sawiin, Gaza indonaah hian leftish leh Arab-American community te chu Biden an Israel a thlawp bur avangin an sawisel nasa hle a.
Biden chuan inkahhai a rawt nghal thu sawiin US sipaite chu Gaza coast-ah tanpuina pe tura a tirh tawh thu a sawi bawk a, Gaza leiah pawh US sipai ten ke an pen ang, a ti bawk.
Immigration chungchangah pawh Republican te chu Mexican border tha zawka thunun theihna tur dangah a puh bawk a. “Ramri buaina hi kan chingfel thei a, kan chingfel duh lo thei bawk,” tiin Republican te chu a sawi khum a ni.