Jolie leh Pitt te fapa Maddox-a’n a hming atangin ‘Pitt’ paih
Angelina Jolie leh Brad Pitt te inthenna pawh kum 10 chuang a lo ni ve leh reng tawh a, hetihlai hian an fapa Maddox chuan an film siam tharah credit leh production note-ah a hming tawp ‘Pitt’ tih a paih ta tlat mai.
Maddox, kum 24, hi a hming pum chu Maddox Chivan Jolie-Pitt a ni a, mahse, a pa te chhungkaw lam hming hi a thlauhthla ta tlat mai, a film thar ‘Couture’ credit-ah chuan a hminga Pitt tih a tel ta lo. Couture film-ah ian Maddox hi assistant director niin, February ni 18 atang khan French movie theater-ah te an chhuah tan a, he film-ah hian a nu, Angelina, kum 50, chu American film director, Paris zin tum, a zin hma lawka hnute cancer a nei tih an hriatchhuah tak lemah a chang nghe nghe a ni.
Maddox bakah hian Angelina Jolie leh Brad Pitt te hian fa- Paxx, 22, Zahara, 21, Shiloh, 19 leh phir Knox leh Vivienne, kum17 te an nei a, Maddox chauh hi ‘Pitt’ hming paihtu a ni tawh lo. 2023 khan Zahara pawhin a hming tawpa ‘Pitt’ tih hi a lo thaibo tawh a, 2024 khan Vivienne pawhin Boardway musical ‘The Outsiders’ a channaah a hming chu Vivienne Jolie tih ngawtin a lo tarlang tawh a, hetihrual hian Shiloh pawhin May 2024 khan a kum 18 tlin champha-ah tak official-a a hming thlak dilna theh lutin, a hming tawpa ‘Pitt’ tih paih a dilna a theh lut bawk.
Jolie leh Pitt te fapa Maddox-a’n a hming atangin ‘Pitt’ paih
