Mizo mipa gospel singer zinga lar ber leh mite ngainat rawn em em, thiam tak leh nung taka Pathian fak thin Jonathan Lianhna leh Zorema Khiangte bakah instagram atanga mizo mipuite hriat lar Uncle Joe te chuan an hla thar tur an buaipui mek.
The Aizawl Post zawhna chhangin Jonathan Lianhna chuan an hla thar tur chu genre dang hlak a nih tur thu sawiin, October thla a peih fel hman an tum thu a sawi a. An hla buaipui mek chu “Beiseina” tih hla a nih thu sawiin, Uncle Joe chuan rap part a sak dawn bakah rap part bik hi Uncle Joe phuah a nih thu a sawi bawk.
Jonathan Lianhna chuan an hla “Beiseina” chu genre dang daih a nih avangin mipuite pawh a barakhaih a ring hle a. Pathian chu engkim siamtu leh neitu a nih miau avangin rimawi engpawh chu a hminga siam a phu tih sawiin, Pathian ropui nan an hla chu an hlan thu a sawi bawk.
An music video thar tur hi live music nen uluk taka record tur niin, drummer tur hi Mike Ji a ni dawn a. Bassist tur hi Valentino Khiangte niin, Keyboadist tur hi Albert Peka a ni dawn a, guitarist tur hi Ephraim Malsawma a ni dawn bawk a ni.
Jonathan Lianhna hi zai thiam a nih bakah hla phuah thiam tak a ni a, a hla sak tawh thin te hi a ma phuah a ni tlangpui thin a. Tuna an hla thar october thla a an rawn tih chhuah tur “Beiseina” pawh hi a ma phuah a ni nghe nghe.
Jonathan Lianhna, Zorema Khiangte leh Uncle Joe kan hmu dawn
