Jordan Centre hlan
turin inrem fel
Mizoram sawrkarin Mizoram Synod hnena Jordan Center Sethawn hlan turin Nilaini khan inremna ziah a ni.
Social Welfare minister Lalrinpuii hriatpuiin Mizoram Synod kuta Jordan Center Sethawnhlanna tur inremna – memorandum of agreement hi ziah a ni a. Sawrkar aiawhin Social Welfare commissioner & secretary Lalzarmawii leh Synod aiawhin moderator Rev. John Raldosanga ten hming an ziahhnan a, hriatpuituah sawrkar atangin Social Welfare joint secretary Zonunthari leh joint director Caroline Hmingthanzuali, Synod lamah senior executive secretary Rev VL Luaia Hranleh leh executive secretary Rev Dr K Lallawmzuala ten an hming an ziahhnan bawk.
He inremna ang hi chuan, Jordan Center hi Mizoram Synod enkawl turin kum 15 atan hlan a ni phawt a. Kumtin sawrkarin tanpuina (grants -in- aid) nuai 50 a pe anga, kum hnih danah zaa 5-a tihpun thin tur a ni ang. He hmunhma hi ruihhlo avanga harsatna tuarte tan de-addiction emaw after care centre anga kalpui tur a ni dawn a ni.
Jordan Centre hlan turin inrem fel
