Mizoram tlawhtu Gauhati High Court chief justice Justice Sandeep Mehta chu Thawhlehni tlai khan Law & Judicial minister TJ Lalnuntluanga chuan kawmin Mizorama judiciary hmasawnna tur hrang hrang a sawipui.
Law & Judicial minister chuan Champhaia District & Sessions Judge Court building din tur chu sak tan thuai a nih theihna’n building plan-te a ranglama Gauhati High Court-in pawmpuina a pek thuai a tul thu te, Champhaia ND&PS Special Court dah a nih theihna’n leh Aizawla ND&PS special judge dah belh a nih theihna’na hmalak tulte a sawipui. Mizoram judiciary-in nasa taka hma a sawn tawh thu leh mamawh tam tak state-in a la neih thu te, state sawrkar leh High Court ten hmasawnna tura hmalak kawngah zai ngai chunga tan lak dun zel a pawimawh thute thlenin, thawhho dan tur a sawipui bawk.
Justice Sandeep Mehta chuan Law & Judicial minister thil thlen chu High Court lam atanga a theih anga lo bawhzui a tum thu a hrilh a ni.
Judiciary-a state mamawh thlen
