June-ah Sairang thleng
rel tlan turin inpeih tum
North Eastern Frontier Railway kumin June thla laihawl hi chuan Sairang Rel Station thleng rel rawn tlan thei tura engkim inpeihfel theih an inbeisei.
North Eastern Frontier Railway general manager (Construction) AK Chaudhary chuan rel kawng siam tawh chin endik pahin Sairang Rel Station thleng relin a rawn kal a. Zirtawpni khan chief minister Lalduhoma a hmu.
An inkawm hmasaka a lo sawi tawh, Bairabi Rel Station tihchangtlun hna, Mualkhang station approach road, Sairang Station hna kal mek leh hmalakna dang an sawidun a ni.
NEF Railway hotu hian hnathawktuten chhunzan zawmin an thawk reng a, kumin June thla laihawlah ‘Commission of Railway Safety Inspection’ neih a ni anga, June 17 hnu lamah chuan hawn theiha engkim an inpeih hman an beisei tih a sawi.
Nikuma leiminin a tihchhiat Hortoki Rel Station pawh chak taka an sakthat leh thu a sawi a. Bairabi station-a buhfai thlen hunbi, unloading leh a phur chhuaktu truck lamin harsatna an tawh thin pawh hun reiloteah bungrua hian Sairang an rawn thleng thei tawh dawn tih a sawi a ni.
June-ah Sairang thleng rel tlan turin inpeih tum
