Jung Kook-a’n Spotify-a billion stream record a lawm
BTS star Jung Kook leh Latto te thawhdunna ‘Seven’ hla chuan Spotify-ah record siamin, he streaming platform-a vawi tluklehdingawn stream kai rang thei ber a ni. Jung Kook chuan record lawm nana hian Spotify-in billion stream lawmpuina an pek chu thleng anga hmangin banana milk, kimbap leh Korean chaw chi hrang hrang a ei. He hla hian ni 108 chhungin Spotify-a billion stream hi a kai thei a ni.
Spotify Instagram-a video an post-ah chuan Jung Kook chuan billion stream hriatpuina an pek chu thleng anga hmangin, soy sauce egg, banana mila, tuna kimbap, shrimp crackers, turtle chips, japchae leh castella te ei nan a hmang lai a lang.
Jung Kook chuan ‘Seven’ hla lo chhuah dan sawiin, “Produder Bang Si-Hyuk-a’n hla pakhat ngaihthlak chhin atan min thawn a. A Tha kher mai. A That hi, mahsem ka tiphuailuai palh mai ang? ka ti rilru zawk a. Album ka buaipui lai pawh a ni lo a, mahse, ‘Seven’ hla ka ngaihthlak zawh hnuah kan che nghal ta rum rum mai a ni. Hmanhmawh takin kan record nghal a, a music video kan siam a, album photo nen. ARMY ten min nghak rei ve tawh em a, chet pawh kan che rang ve hle a ni.
“He hlaah hian rapper an tel a ngaiin ka hria a. Aw Tha leh mi cool tak Latto ka hrechhuak a, kan be pawp a, engkim a kaltluang ta purh mai a ni,” a ti. Latto pawhin record siamnaa tel ve thei turin Jung Kook-a’n a sawm avanga a lawmthu sawina chu Jung Kook nen a clip a thawn nghe nghe a ni.
Jung Kook-a’n Spotify-a billion stream record a lawm
