BTS member Jung Kook debut solo album ‘Golden’ chu Official UK Albums Chart No.3-ah a debut a, he chart-a Korean solo artist zinga album thlen san pui thei ber a la ni. He chart-a hian Taylor Swift ‘1989 (Taylor’s Version)’ chu No.1 niin, Oasis ‘The Msaterplan’ chu No.2 a ni ve thung.
‘Golden’ album-a hla te pawh UK Top 10 singles-ah pali lai an lang a, ‘Seven’ featuring Latto chu No.3 niin, Jack Harlow nena an thawh dunna ‘3D’ chu No.5 a ni a, The Kid Laroi leh Central Cee te nena an thawhhona ‘Too Much’ chu No.10 a ni a, a single thar ber ‘Standing Next to You’ chu No.6 a ni bawk.
Tihian, BTS anga an album nen chuan Jung Kook hian UK chart-a top 10 kai thei album panga a nei tling ta a, chung zinga pahnih ‘Map of the Soul: Persona leh Map of the Soul:7 te chu No.1 an kai ve ve. Hei bakah hian BTS angin singles chart-a top 10 kai thei hla pali ‘Dynamite,’ ‘Life Goes On,’ ‘Butter’ leh Coldplay an thawhpuina ‘My Universe’ te an nei tawh bawk.
Jung Kook-a’n UK chart record siam
