Jung Kook & Latto ‘Seven’ a lar ber

Jung Kook & Latto ‘Seven’ a lar ber
Jung Kook ‘Seven’ featuring Latto chu Billboard Global 200 chart-ah a No.1 a, he chart-a kar thum a No.1-na a ni ta. Hetihrual hian Travis Scott pawhin top 10-ah hla pathum a rawn luh pui ve leh ta bawk.
Billboard Global 200 hi kar khat chhunga khawvel huapa hla lar dan tehna a ni a, chart ranking siam nan hian ram hrang hrang 200 chuanga official-only streams (subscription leh ad-supported audio & video music services) leh download sales te chu tehna pawimawh a ni.
Jung Kook ‘Seven’ featuring Latto hian stream maktaduai 124.3 leh download sales 14,000 a la kai thei a, hei hi a kar thum nan chart-ah a No.1 pui leh ta a ni. Jung Kook hi BTS member zingah an group ang ni lo, solo artist anga he chart-a No.1 ni thei hmasa ber a ni.
Travis Scott pawhin a album thar, Billboard 200 chart No.1-a debut ‘Utopia’ album atangin chart top 10-a lang thei hla pathum a nei a, ‘Meltdown’ featuring Drake chuan stream maktaduai 61.1 neiin, No.2 a ni a, ‘FE!N,’ featuring Playboi Carti chuan stream maktaduai 56.1 neiin, No.3 a ni a, ‘Hyaena’-in stream maktaduai 44.1 neiin No.10 a ni bawk.
Travis Scott hian he chart top 10-a lang thei hla pariat a nei tling ta a, Drake pawhin he chart-a top 10 kai thei hla ngah bera nihna sawh nghetin 29 a nei tling ta a, Playboi Carti tan erawh a vawi khatna a ni ve thung.
Barbie soundtrack ‘Barbie: The Album’ atangin hla pathum top 10-ah an lang bawk a, Billie Eilish ‘What Was I Made For?’ chuan stream maktaduai 56.7 neiin, No.7 atangin No.4-ah a insawn a, Dua Lipa ‘Dance the Night’ chu No.8 atangin No.6-ah a insawn a, Nicki Minaj leh Ice Spice ‘Barbie World’ chu No.6 atangin No.7-ah a tawlh ve thung.