BTS member zinga naupang ber Jung Kook hla thar ‘Seven’ featuring Latto chu Billboard Global 200 chart-ah a No.1 a, he chart-a a zawna kar hnih a No.1-na a ni ta. Hetihrual hian Barbie soundtrack album-a hla pathum ‘Barbie World,’, ‘What Was I Made For?’ leh ‘Dance the Night,’ te pawh chart top 10-ah an lang a, Travis Scott, Bad Bunny leh The Weeknd te pawh top 10-ah an lang e.
Billboard Global 200 chart hi kar khat chhunga US-a hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video services) leh download sales te chu tehna pawimawh a ni.
Jung Kook ‘Seven’ featuring Latto hian stream maktaduai 152.1 a la tling thei a, hei hi chart-ah a No.1 pui leh ta a ni.
Jason Aldean hla hit ‘Try That in a Small Town’-in stream maktaduai 30.8 neiin No.2-ah bawk a la awm a, NewJeans ‘Super Shy’ chu No.5 atangin No.3 a kai thar leh a, Myke Towers ‘LaLa’ chu No.3 atangin No.4-ah a tawlh ve thung.
Travis Scott, Bad Bunny leh The Weeknd ‘K-POP’ chu stream maktaduai 53.2 leh sales 14,000 tlingin No.5-ah a debut a, he hla hi Travis Scott album thar ‘Utopia’ atanga a single niin, he album hi July ni 28 khan a tlangzarh a ni. ‘K-POP’ hi Travis Scott tan he chart top 10-a lang thei hla panga a neihna niin, Bad Bunny tan a 15-na leh The Weeknd tan a 10-na ni ve thung.
‘Barbie’ soundtrack album atangin Nicki Minaj, Ice Spice leh Aqua te thawh hona ‘Barbie World’ chu No.28 atangin No.6-ah a invawrh a, he soundtrack album a hla dang Billie Eilish ‘What Was I Made For?’ chu No.18 atangin No.7-ah a invawrh a, Dua Lipa ‘Dance the Night’ chu No.27 atangin No.8-ah a invawrh bawk. Minaj leh Ice Spice tan he chart-a top 10 kai thei hla pathum an neihna ve ve a ni a, Aqua tan a pakhatna niin, Billie Eilish tan a palina a ni a, Dua Lipa tan a pathumna a ni bawk.
Billboard Global 200 Top 10:
1 Seven – Jung Kook Featuring Latto
2 Try That In A Small Town – Jason Aldean
3 LaLa – Myke Towers
4 Vampire – Olivia Rodrigo
5 Super Shy – NewJeans
6 Fukumean – Gunna
7 Cruel Summer – Taylor Swift
8 Flowers – Miley Cyrus
9 Calm Down – Rema & Selena Gomez
10 La Bebe – Yng Lvcas x Peso Pluma