Kamala Harris-in Tim Walz thlang

Democrat presidential nominee Kamala Harris chuan a runing-mate atan kum 60 a upa Minnesota governor Tim Walz a thlang.
Walz hian politics a luhchilh hmain public school teacher, football coach leh National Guardsman hna te a chelh tawh a ni.
Nebraska thingtlang mi niin loneia sapel thin a ni bawk a, kum 17 a nihin Army National Guard-ah a inziak lut a, kum 24 lai a tang nghe nghe.
A pa public school administrator ni thin chuan Walz chu military zawm turin a ti thin a, kum 19 a nihin a pa chuan lung cancer-in a thihsan a ni.
Minnesota governor chuan Social Security hmangin a nu in chhawmdawlna a dawn avanga a hlawkpuina te leh GI Bill vangin college kal thei a nih thu te a sawi.
Teaching degree a neih hnuah Walz chuan Tiananmen Square massacre lai vel khan China-ah kum khat chhung zirtirtu hna a thawk a.
A hnuah a nupui Gwen Whipple ten China ah honeymoon hmangin US students ten China a educational trips an neih theih nan hma a la bawk.
Nebraska a let leh hnuah Walz chuan teacher leh American football coach a ni bawk a, mahse, a nupui zirtirtu ni ve tho chuan Minnesota a awm turina thlem thlu a, an nupain fa pahnih an nei bawk.
Mankato West High School coach a nih laiin Walz chuan American football programme tha zet kalpuiin state championship hmasa ber school tan a lakpui bawk a.
Politics a luhchilh hmasak berah southern Minnesota a agricultural district, thingtlang tak leh Republican lam awnnaah a ding a, public serive leh veterans’ advocacy a aupui chu a tlinpui a ni.
Kum 12 Congress-ah a thu tawh chungin a ideology ber hriat a har hle thung. Affordable Care Act thlawp zawngin vote a thlak a, pro-labour measures lam a thlawp bawk a, carbon emission tihhniam nana cap-and-trade effort hlawhchham chu a thlawp bawk.
Republican te nen pawh an ngaihdan a inang fo bawk a. Iraq leh Afghanistan indona kalpui zui zelna a thlawp a, US-ah refugee luh tam loh nana dan khauh zawka siam a thlawp bawk a, Obama hun lai kum 2008 financial crash hnua banks leh car company te bailout tumna a hnawl hmak bawk.
Pro-gun National Rifle Association (NRA) tena an thlawp niin a campaign fund pawh an pe a, mahse, Parkland school shooting hnuah assault weapon khap a thlawp hnuah NRA te pawhin an thlawpna an hnukdawk bawk.
Kum 2018 Minnesota governor thlanah khan Walz chuan 11 point chuangin chakna a chang a. Mahse, a term hmasa ber chu Covid pandemic leh Minneapolis-a George Floyd thihna chuan a luahlan hneh hle.
Mahse governor thlanah chakna chang lehin Democrats te pawhin state legislature-ah seat khat chauh hmangin majority an nei bawk a. Democrats te chuan abortion rights kalpui zui zelin, paid family and sick leave an duang a, universal free school meal leh affordable housing te an kalpui bawk.
Ram pum huap chuan hriatlar a ni lem lo va, tun hnaiah Walz an republican te chu ‘mi mak an ni’ a tih chuan amah a vawrh lar thung. Republicans te chuan ‘Lehkhabu khap an duh a, doctor exam room ah te lehzel pawh awm ve an duh’ a ti a ni.
Mahse Republicans te chuan Minnesota a Walz sulhnu chu American mi pangngai te tana radical lutuk an ti ve thung a.
Tom Emmer, US House of Representatives a Republican third-highest ranking chuan Walz chu ‘Minnesota state chu Kamala Harris home state California a chhuah’ tiin a puh thung.
Labour leader te chuan Walz chuan rural leh working class voter te hipin chu chu Harris-i’n a hlawkpui dawn an ti ve thung.