Kan nghehna tur gazette chhuah
tawh min tihpuitlin sak se- NEUM
National Health Mission Mizoram hnuaia thawkten sawrkara an nghehna tur gazette tihchhuah tawh hnuhkir leh chu an ngaithiam lo hle tih sawiin, gazette hi tipuitling turin sawrkar an ngen tih an sawi.
NHM Employees Union Mizoram (NEUM) chuan Ningani khan Aizawlah General Conference vawi 3-na an hmang a. An pawl inkaihruaina hrang hrang an ngaihtuah ho bakah resolution an pass.
Mizoram sawrkarin CSS hnuaia awmte ngheh theihna tur gazette – “The Mizoram Regularization of Centrally Sponsored Scheme (CSS) Employees Scheme 2024” chu 2024 June 18 khan a tichhuak a. Chumi hnu, 2024 October 21 khan ‘Office memorandum on Regularization’ tih chhuah a ni leh tih an sawi.
A ngheta dah an nihna tur kawng tiping zawnga sawrkarin OM a siamsak leh chu an ngaithiam lo hle tih sawiin, kumin – 2025 chhung ngeia CSS-te sawrkar hna ngheta an luhna turin recruitment rules siam a, gazette tihchhuah tawh chu tipuilting ngei turin sawrkar an ngen tih an sawi a ni.
Kan nghehna tur gazette chhuah tawh min tihpuitlin sak se- NEUM
