Kan sawrkar chuan ZMC&H hming
ngai MiMER tiin kan thlak leh ang
– Congress president
Mizoram-in medical college a neih chu miin ‘research’ tihna tlak khawpa buatsaih an duh avangin an sawrkar a nih chuan Zoram Medical College & Hospital chu a hmaa a hming ngai MiMER (Mizoram Institute of Medical Education & Research) tiin an thlak dawn tih Congress president Lal Thanzara chuan a sawi.
Nilainia Congress Thalai-in amah an chawimawina hunah Health minister hlui Lal Thanzara hian, Congress a sawrkar chuan ZMC&H chu a hmaa a hming ngai MiMER tia an thlak leh tur thu hi a sawi a. “Hei hi miin research an tihna tlak khawpa buatsaih kan duh vang a ni,” a ti.
ZPM sawrkarah Health minister chak tak kan nei, tiin vanneihthlak a tih thu MPCC hruaitu hian a sawi a. Theihtawp an lo chhuah ve tawhna enkawl kawnga a hmalakna chu lawmawm a ti a. ICU dah belh niin, a tih changtlunna tur ruahmanna hrang hrang an nei chu ram tan a tha tih a sawi a ni.
Congress-in thalai chak tak an nei chu an party tan mai ni lo Mizoram tan a thlamuan thlak tih a sawi a. Mizoram tana danglamna siam turin tunhnaiah thlalai tam tak member an neih belh tih a hriatin, Congress party-ah thalaiin beiseina an neih leh nasat tawh zia a tilang tih a sawi a ni.
Sawrkar khalh ngil kawngah Congress Thalai-in belhchian dawl leh kawng kawhhmuh zawnga hma an lak avangin sawrkar tan mai ni lo ram tan thil pawimawh a ni tih Lal Thanzara hian a sawi bawk.
Kan sawrkar chuan ZMC&H hming ngai MiMER tiin kan thlak leh ang – Congress president
