Seat engzat nge an lak dawn tih hre lo mah se, an sawrkar ngei erawh a rinawm tih ZPM vice president Lalthansanga chuan a sawi.
Thawhtannia an party office-a inkhawmah ZPM vice president chuan sawrkar kalphung a dik lohin miretheiten an tuar thin a, state dang zara nung ve chauh kan nih avangin kan thalaiten rual an awt a, chuvangin thalai leh mirethei zawkten ZPM an zawm nasa hle niin a sawi.
ZPM chuan kalphung thar – mipui sawrkar tih bak zawrh tur an nei loa, an that bik vang leh fel bik vang ni loin, miten ZPM-ah beiseina sang tak an nei mek tih Lalthansanga hian sawiin, “Tawngtai pawlten chhum lo chat loin he ram tan an tawngtai reng a, ram mipuiin kan ram a dam theihna’n tawngtaina an hlan reng bawk. Kalphung thar mipui sawrkar din tumte pawhin kan dawn thleng kan zauh zel a, seat engzat nge kan lak ang kan hre lo. Amaherawhchu, Pathian leh mipui zarah kan sawrkar ngei a rinawm hle,” a ti.
Kan sawrkar ngei a rinawm – ZPM vice president
