Kane Brown hla. 2018-a a tihchhuah ‘Heaven’ chu US-ah maktaduai 10 an hralh tlin tak avangin Recording Industry Association of America (RIAA) chuan diamond certification a hlan. ‘Heaven’ hi country hlaah chuan US-ah maktaduai 10 hralh tlin theih hla pariatna a ni.
Brown leh RIAA chuan he chanchinthar hi social media-ah puangin, Brown hian he certification a dawng lai video an post a, video-ah chuan country artist dang RIAA diamond certification nei pha hla lo nei tawh Luke Combs, Hollary Scott, Tyler Hubbard leh Darius Rucker te pawh an inlan.
Combs chuan, “Hetiang ti thei hi an la tam lo. Kan pawlah ka lo lawm a che,” a ti a, Hubbard pawhin, “Hlawhtlinna ropui tak a ni. Diamond club-ah kan lo lawm a che, hei hi chu chhuan ve veng veng tlak a ni,” a ti a, Scott pawhin, “I hla ‘Heaven’ hian mi tam tak thinlung a khawih leh nun a khawih tawh a ni,” a ti a, Rucker chuan, “Diamond club-ah kan lo lawm a che. |hianpa ka lawmpui che,” a ti ve bawk.
Country hla RIAA diamond certification dawng tawh te chu Lady A ‘Need You Now,’ Chris Stapleton, “Tennessee Whiskey,’ Sam Hunt ‘Body Like a Back Road,’ Luke Combs ‘Beautiful Crazy,’ Lil Nas X leh Billy Ray Cyrus ‘Old Town Road,’ Florida Gerogia Line ‘Cruise,’ leh Rucker ‘Wagin Wheel’ te an ni.
Kane Brown ‘Heaven’-in RIAA Dismond Certification a dawng
