Kangmei chhuak avangin mi 150 chuangin hliam tuar
Kerela Neeleswaram bula temple festival neihnaah kangmei chhuak palh a awm avangin mi 150 chuangin hliam an tuar a, an zinga pariat phei chu an hliam na hle a sawi a ni.
Police te sawi danin kangmei hi Veerarkavy temple bula halpuah halna hmun atanga chhuak niin, temple ah hian inhmuhkhawm an neih lai, festival pawimawh tak an hman lai a lo ni kher bawk nen, a man kai chho ta niin an sawi.
Hliam na zualte taksaah hian zaa 80 chuang kangmei hnuhma a awm a, rang taka enkawlna tha zawk pek an nih thu an sawi bakah, hliam tuar zawng zawngte hi Kasargod, Kannur leh Mangaluru-a damdawi inah te hruai an nih thu an sawi bawk.
He chhiatna hi zanlai vela thleng a nih thu thuneitute chuan an sawi a, vanneihthlak taka nunna chan an awm loh thu sawiin, a hmunhma hi venhimna hnuaiah uluk taka enfiah zui mek a nih thu an sawi a ni.
Kangmei chhuak avangin mi 150 chuangin hliam tuar
