Kangmeiah 101 call turin inhrilh
Fire & Emergency Services leh Aizawl District Disaster Management Authority tangdun buatsaihin Nilaini khan “Call 101 awareness video leh Kangmei Awareness Street Campaign” tlangzarh a ni a. ADDMA chairman, bawrhsap Dr Lalhriatzuali Ralte chuan a hmanpui.
ADDMA chairman chuan India rama khuarel chhiatna kaihhnawih chawimawina sang ‘Subhash Chandra Bose Aapda Prabandhan Puraskar (SCBAPP) 2023’ Lunglei Fire Station-in a dawn avanga a lawm zia leh he lawmman hlanna New Delhi-a Prime minister Narendra Modi kut ngei atanga an dawn avanga Mizo nih a tihnawm zia leh a chhuanawm a tih zia a sawi. Video tlangzarh chuan mipui hnenah zirtirna tha tak a pek a beisei tih sawiin, kangmei a chhuaha Fire department hrilhhriat zung zung theihna number 101 chu mipuiin an hriat vek a pawimawh tih a sawi a ni.
Kangmeiah 101 call turin inhrilh
