Uniform Civil Code, manufacturing sector a 10 lakh leh Bengaluru State Capital Region tag te chu BJP tena May 10 a Karnataka Assembly election neih tura manifesto an neih zinga tel a ni.
He document hi BJP Praja Pranalike tih niin Bengaluru ah party national preident JP Nadda chuan a tlangzarh a. Chief Minister Basavaraj S Bommai leh veteran party leader BS Yediyurappa te pawh tlangzarhnaah an tel.
Nadda chuan an manifesto te chu air-conditioned room ah sawihona neiha ngaihtuaha siam a ni lo a ti a, party worker te chuan state hmun tin an fan hnuah document te chu siamfel chauh a ni a ti zui bawk.
Nadda chuan BJP tena state tana vision an neih chu ‘mitin tan dikna, tumah tihlawm bik neihloh’ tih a nih thu sawiin state a BJP sorkar chuan constitution kalha Muslim te tana reservation siambik chu an paih tawh a ti bawk a. Inthlanna puan a nih hma lawkin Bosavaraj Bommai kaihhruai cabinet chuan Muslim te tana 4 per cent reservation awm chu paihin Lingayats leh Vokkaligas te Karnataka a caste group awmze nei tak te an insemtir a ni.
Hei hian Opposition te beihna thlen nghal thungin Congress leh Janata Dal (Secular) te chuan thlantlin an nih chuan reservation chu a ngai anga an dahlet leh tur thu an sawi nghal thung.
BJP te chuan thlan tlin an nih leh chuan Uniform Civil Code chu state chhungah kalpui a nih tur thu an sawi nghal bawk a. iilegal migrants te thawnhaw nan National Register of Citizens kalpui an intiam bawk.
An thutiam dang zingah below poverty line chhungkuate tan thla tin ration pek te, scheduled castes leh tribes hmeichhia te tan fixed deposit scheme te, Karnataka chu electric vehicles hub a siam te a tel a. Hei bakah hian kum khatah BPL family te tan cooking gas cylinder 3 a Yugadi, Ganesh Chaturthi leh Deepavali thlaah te a tlawna pek te a tel bawk.
Congress te chuan manifesto an la tichhuak lo thung a. Mahse, campaign an neihnaah Congress te chuan thlantlin an nih chuan chenna In tin hnenah free power 200 units pek te, BPL chhungkua hnenah rice 10kg pek te, chhungkhata hmeichhe lu ber hnenah thlatin Rs 2,000 pek te leh graduate hna nei lo te hnenah thla tin Rs 3,000 pek te a tel.
Janata Dal (Secular) te chuan thlan tlin an nih chuan private sector ah Kannadigas te tan reservation an tiam a, hei bakah hian central sorkar chu Kannada tawnga civil service leh defence recruitment exam kalpui tir ngei tumin an intiam bawk.
BJP manifesto chuan Bengaluru a apartment-a chengte tan nun awlsam zawkna tur ruahmanna an siam bawk a. Hei bakah hian small leh medium-sized industry leh industrial training institutes te thawhho that nan hmalak an intiam bawk a. School level ah BJP te chuan state sorkar school te tichangtlung turin mimal thiamna nei sang leh institution te nena chetlak an tum bawk.
BJP manifesto chuan public health infrastructure tihhmasawn tum bawkin municipal ward tinah diagnostic facility clinic dah vek bakah senior citizen te tan a thlawnin kumtin health check-up an intiam bawk.
Loneitute tan BJP party te chuan micro cold facility, agro processing unit gram panchayat tina din nan leh agricultural produce committee tihchangtlun nan Rs 30,000 crore dah an intiam bawk.
Tourism sector-ah pawh Karnataka chu tourism hub a nih theih nan Rs 1,500 crore plan an siam bawk a. Chnena in neite tan 10 lakh house sak an tum bawk.
Karnataka BJP manifesto-ah UCC kalpui tel
