2024-25 chhunga Mizoramin kawlphetha (power) a thar chhuah aiin a kum leh 2025-26 chhunga thar chhuah a tlahniam a, nasa tak phei chu a ni lo.
2024-25 chhung khan Mizoramin solar hmangin kawlphetha MU (Million Unit) 41.86 a thar a, 2025-26-ah solar-ah hian MU 37.59 a thar. MU 4.27-in a tlahniam a ni.
Small hydel project-ah 2024-25 khan Mizoramin MU 31.04 a thar a, 2025-26 khan MU 30.27 a thar. A tlahniamna hi MU 0.77 a ni.
Vankal Solar Park 12.5MVA transformer chu May ni 31, 2025 atangin a chhia a, April ni 14, 2026-ah transformer hi thlak a ni. A chhiat chhung hian kawlphetha siak chhuah a awm thei lo a, hei vang hian solar lamah kawlphetha thar chhuah zat a tlahniam a ni.
Small hydel project lama kawlphetha thar chhuah a tlakhniam chhan pawh hi khawl chhiat vang a ni a, Tuipui Small Hydel Project-ah khawl a that loh bakah power channel siamthat a ngaih nasat avang te, Teirei Small Hydel Project-ah khawl a chhiat avangtein kawlphetha siak chhuah theih a nih loh vang te a ni.
Kumin April atanga July thleng khan Mizoramin hmun dang atangin kawlphetha hi MU 309.272 a lei tawh.
Assembly Session fur thutkhawmah khan power minister F Rodingliana’n Mizoramin kawlphetha a mamawh san lai berin MW 181.62 a mamawh tih a sawi a, chu chu 6.01.2026 tlai dar 5 kha a ni tih a sawi.
Kawlphetha thar chhuah zat tlahniam
