Power sector hnuaia central ministry hrang hrang dawra New Delhi-a cham mek Power minister F Rodingliana chuan Mizoramin kawlphetha a tharchhuah tipung turin sawrkar laipui atanga puihna awm theite a sawipui.
Ministry of Power secretary Pankaj Agarwal a hmuhnaah hydel project leh nizung chakna hmanga Mizoram-in kawlphetha tam zawk a thar theih dan tur leh central atanga puihna awm theite an sawi dun a. Mizoram power infrastructure tihchangtlunna tur project hrang hrang Power ministry-a a thehluhte a ranglama sum release turin a ngen.
Ministry of New & Renewable Energy secretary Bhupinder Singh Bhalla a hmuhnaah F Rodingliana chuan sawrkar laipui atanga small hydel project siamna tur tanpuina awm thin, kum 2017-a tihtawp tak chu tuaithar leh thuai a nih theih nan hma lakpui turin a ngen. MNRE secretary hian tun atanga reiloteah central cabinet pass tura chhawpchhuah theih a inbeisei tih a lo hrilh a ni.
REC chairman & managing director Vivek Kumar Dewangan nen pawh inhmu in, RDSS scheme hnuaia hnathawh mek leh hmabak la awmte, central atanga sum la release loh awmte pekchhuah a nih dan tur a sawipui bawk.
Power & Electricity minister hi P&E secretary K Lalrinzuali’n a tawiawm a ni.
Kawlphetha thar tipung turin sawrkar laipui hotute sawipui
