Lunglei khawthlang lama maxi cab service-te chuan an tlanna kawngpui a chhiat avangin vawiin, Thawhtanni atanga tiamchin awm loin tlan tawh rih loh an rel.
Lunglei thlang tlan maxi cab service zawng zawng intelkhawm ‘Lunglei Khawthlang Maxicab Service’ chu Inrinni khan thukhawmin, an service-na kawngpui chu a chhiat tawh avangin chetsual palh a hlauhawm a, mipui him tlan zawkna’n leh kawng siamtute an thawh chak theih zawkna’n thu leh awm hma chu July 24 atangin tiamchin awm loin total bandh neiin an service dawn lo tih an sawi.
Hemi chhung hian kawng siamtu company-te hmalakna an ngaihvenin an thithlai reng anga, kawng siam a chak theihna’n nasa zawka bawhzui zel an tum tih an sawi a. Lunglei khawthlang lam mipui pawh an hmalakna hi hrethiam a, thlawp turin an ngen tih an sawi a ni.
Kawng chhiat vangin maxi cab service tihtawp rih rel
