Tunhnaia ruahsur leh thli thawk vanga chhiatna thlengah nunna chan leh hliam tuar an awm a, leiminin kawng a hnawhpin nasat avangin khaw thenawmten an ram chinah ruang leh hliam tuar zawnin, mahni ram chinah zel an inhlan chhawng.
Thudawn danin, Aizawl Salem Veng leiminin in a hnawl vanga thi, Lalvohbiki chu Pangzawl khuaa pasal nei a ni a; Pangzawl thlen turin Melthum thleng lirtheia phurh phei a ni. Heta tang hian khaw tinin a ruang hi zawnin an inhlanchhawng a, Sumsuih thleng zawnin Sumsuih atang hi chuan lirthei a tlang theih tawh avangin lirtheia phurh a ni.
Melthum atanga Sumsuih thlen tur hian, Hualngohmun- Melriat- Kelsih- Falkawn- Muallungthu- Tachhip- Aibawk- Sateek -Maubuang leh Thiak an paltlang a; hetah hian YMA leh VC huaihawtin khawtin mitlawmngai ten ke in an zawn a ni.
Hetiang bawk hian Phulpuia leimina hliam pakhat chu Zoram Medical College Falkawn thlenpui turin Thawhlehni khan khaw hrang hrangin an inhlanchhawng a; damlo leh harsatna neite pawh an zawn a ni.
Aizawl chhimlam atanga lo phei hi Sumsuih atangin khaw tinin an ramri ah theuh an lo hmuak a, khawkar kawngah leimin avanga kawng ping hi hmun engemawzatah a awm a ni.
Samlukhai bul Lungseia an thlama riak, thlam chhak leiminin a hnawl thlak avanga thi Lalrimawii (63), Maubawk Aizawl pawh Maubuangin Sateek thleng an zawn phei a, Sateek-in Aibawk kutah hlanin, Aibawkin Tachhip hnenah an hlan a; Tachhip hian Muallungthu hnenah hlan ve lehin, Maubawk pawh hian ke in hemi atang hian an lachhawng nia thu dawn a ni.
Kawng pin vangin ruang inhlan
