PWD-in hmun hrang hrangah kawng siam hna a thawk zel a. Hei vang hian kawngpui siamthat chhungin lirthei kal theih loha khar a ni dawn.
Senior SP Traffic Aizawl chuan Chhangurkawn atanga Luangmual Presbyterian biak in kawng siamthat hna PWD-in a thawh chhung, November 18 (Thawhtanni) zing dar 7.00 atanga November 23 (Inrinni) tlai dar 5.00 thleng helai kawng hi khar a ni dawn tih mipui a hriattir.
Durtlang North-a BSF Camp/ Mahindra Servicing Centre atanga Selesih inkar kawng chu siamthat hna (concrete pavement) an thawh dawn avangin November 17 (Pathianni) chawhma dar 10.00 atangin kawng siamthat hna thawh zawh a nih hma chu helai kawng hi khar a ni dawn tih mipui a hriattir bawk.
Kawng khar chhung hian Aizawl atanga Sihphir lam kal turte tan Thuampui – Selesih road lamah leh Durtlang Dawrkawn atangin Sihpui road lamah a kal theih dawn a ni.
Kawng siam laiin khar dawn
