Mizoram sorkarin tuialhtheiah kawng siamna tur chhiah a la a, chhiah lak tirh atangin kawng siamna tur hi cheng vaibelchhe 85 chuang a hmu tawh.
Petrol leh diesel atanga road maintenance cess atana chhiah hmuh tawh hi a vaiin Rs 85,82,89,621 a ni; 2024-25 khan Rs 13,25,12,578 hmuh a ni a, 2025-26 khan Rs 45,65,46,042 hmuh a ni. Financial year kal lai 2026-27-ah hian Rs 26,92,31,001 hmuh a ni tawh.
2024 September atangin petrol leh diesel-ah chhiah (cess) lak tan a ni a, petrol leh diesel man hi litre-ah Rs 4 ve vea tihsan niin, Rs 2 chu road maintenance cess a ni a, Rs 2 dang chu social infrastructure & services cess a ni.
Pawisa kum kal laiah, April atanga September thlengin road maintenance cess Rs 26,92,31,001 hmuh a ni tawh a, social infrastructure & services cess Rs 26,92,31,001 bawk hmuh a ni.
Tuialhtheia cess hmuh tawh zawng zawng, road maintenance cess leh social infrastructure & services cess hi, 2024 September atanga 2026 September thlengin Rs 1,71,65,79,242 a ni a, a zatve chu road maintenance cess niin, a zatve dang chu social infrastructure & services cess a ni.
Financial year kal lai hi kumin April-a intan a ni a, September thlengin thla ruk a liam tawh. Thla ruk chhunga tuialhthei atanga chhiah hmuh hnem ber thla chu April kha a ni a, thla ruk chhungin sum lut hi a pung lo.2026-07 chhunga chhiah lut tawh zat
Thla Road Maintenance Social Infrastructure & Services
April-ah Rs 12,51,46,232 Rs 12,51,46,232
May-ah Rs 1,11,01,391 Rs 1,11,01,391
June-ah Rs 63,63,346 Rs 63,63,346
July-ah Rs 10,98,90,678 Rs 10,98,90,678
August-ah Rs 94,37,010 Rs 94,37,010
September-ah Rs 72,92,344 Rs 72,92,344
Total Rs 26,92,31,001 Rs 26,92,31,001
Kawng siam nan cheng vaibelchhe 85 chuang hmu tawh
