Swachhata Hi Seva 2024 kalpui mekah UD&PA Department Lungleia thawktute leh Mizoram Polytechnic Lungleia zirlai leh zirtirtute chuan Hrangchalkawna Polytechnic junction kawngpui kam hnim leh bawlhhlawh thian faiin Nilaini khan an hnatlang.
Hrangchalkawn CTU hi Swachhata Hi Seva kalpui chhunga Lunglei khawpui huamchhung (urban area) a vantlang hmunhma thenfai ngai bik – cleanliness target unit (CTU) ruahman 8 zinga pakhat a ni a. Kawng kam hnim an samfai bakah a paihna hmun tur niloa bawlhhlawh paih an thianfai a ni.
UD&PA-a thawktute hian YMA College Veng Branch nen Thawhlehni khan Thuamluaia Mual CTU tifaiin an lo hnatlang tawh bawk a. Heti hian Swachhata Hi Seva 2024 kalpui chhungin CTU ruahman 8 zinga 5 – Zotlang CTU, Rahsi Veng CTU, Pukpui CTU, Thuamluaia Mual CTU leh Hrangchalkawn CTU-ah faina hnatlang hi thawh a ni tawh.
Kawngkam bawlhhlawh tifai
